موقع القبابنة لوحة تحكم العضو البحث تواصل مع الإدارة  




العودة   منتديات القبابنة الأقسام الخاصة سوالف الطيبين

سوالف الطيبين لروائع القصص في الجزيرة العربية

محمد العوني شاعر الحرب


إضافة رد
 
أدوات الموضوع انواع عرض الموضوع
قديم 07-30-2006, 11:24 PM   رقم المشاركة : 1
عضو متميز





ولد بداح غير متصل

ولد بداح is on a distinguished road


 

محمد العوني شاعر الحرب

يعتبر محمد العوني غفر الله له من الشعراء المهيجين
دار نقاش بينه وبين احد شعراء الغزل في وقته
فقال عن نفسه / انا اصب الجمع على الجمع وانا على مركاي
يذكر انه وبعد مقتل الامير عبد العزيز بن متعب ال رشيد تنازع ال رشيد على امارة حائل وشمر
فاستولى محمد بن طلال ال رشيد على حكم حائل بعد ما فر ابن عمه عبد الله بن متعب ال رشيد
الى ابن سعود(الملك عبدالعزيز رحمه الله) خوفا من ابن عمه محمد بن طلال ان يقتله وفي ظل تنازع ابناء العمومه على الحكم
زعلت قبيلة شمر على محمد بن طلال ال رشيد فرحلت قبيلة شمر الى بادية العراق تاركة منطقة حائل
في ظل تلك الاحداث قام الملك عبدالعزيز ال سعود(رحمه الله ) بارسال فيصل بن سلطان الدويش على راس جيش
لمساعدةعبدالله بن متعب ابن رشيد فحاصر مدينة حائل حصارا محكما فارسل محمد بن طلال ابن رشيد قصيدة كتبها محمد العوني يستفزع قبيلة شمر وعند سماع قبيلة شمر هذه القصيدة وهم في بادية العراق جاءوا لفك الحصار عن مدينة حائل ،
قال العوني مخاطبا قبيلة شمر على لسان ابن رشيد قصيدته التالية :


عـزي لقلـبٍ كــل مــا طــرف اللـيـل =علـيـه صـــارن الـدقـايـق جـلايــل
واعتاظ عن طيـب الكـرى بالتعاليـل =بـافـكـار واذكـــار وقـــول وقـايــل
والعيـن كـن ابموقهـا يــدرج المـيـل =عيت تطيق النوم مـن فـور جايـل
على بني عمي اسنـادي عـن الميـل =نطـاحـة الكـايـد اكـبــار الحـمـايـل
اقـفـوا كـمـا مــزنٍ ثقـيـل المخايـيـل =من زاعج الغربي حدر لـه شعايـل
شمـر مقابيـس المنايـا هــل الخـيـل =عصمـان الاريـا مقحميـن الدبـايـل
يا دار ويـن أهـل المهـار المشاويـل =اهـل الـنـزول الـلـي تـعـز النـزايـل
بكيتهـم يـوم ارتـكـى فـوقـي الشـيـل =وذكرتهـم يـو اقبـل الـضـد صـايـل
وصاح الصيـاح وطوحـن الهلاهيـل =وهلت ادمـوع معكرشـات الجدايـل
وقلت ابشرن مـا دام بالعمـر تمهيـل =مـا دام مـا رزت عليـنـا النضـايـل
لا تبكـي الـوحـدة قِــل الرجـاجـيـل =مــا دام عـيـن الله عليـنـا تـخـايـل
وظهرت أنا باسم العصاة المشاكيـل =لـو هــم قلـيـل يـدركـون الجمـايـل
هـم حاصـلـي لا كملـنّ المحاصـيـل =غوش الجبل خزني غلامين حايـل
باعـوا عزيـز العمـر دون المضاليـل =وحمـوا حماهـا مقدمـيـن الفعـايـل
قالوا عليهم قلت يزجو هـل الخيـل =وقهرتهـم غصـب وردوا غـلايـل
واذنـيـت هـجـنٍ يقـربـن المـحـاويـل =هــوج هجاهـيـج اهـجـاف نحـايـل
عليـكـم يـطـرب قـلــوب المـراسـيـل =خفـقـات رفـقـات صــلاب جـلايــل
قلايـص عـوص صعاصـع شمالـيـل =من سلسلة نسل السبـاق السلايـل
الصبـح مـدن كنـهـن جـولـة الـريـل =رفيحٍ علت من فوقها ارجال حايل
وصبح اربعٍ تلفـي نـزول كمـا الليـل =شمّـر إليـا عــدت فــروع القبـايـل
أدنــى بـالادنـى خبـروهـم بتفـصـيـل =لا تسفهـون اصفارهـم والجمـايـل
ولازم إليـا شـافـوا اركــاب مقابـيـل =تلزمهم النشدات عـن سكـن حايـل
قولـوا لهـم يـا مقبليـن عـلـى خـيـل =نـجـد واهلـهـا يطـلـبـون الاوايـــل
جونا هل العارض جموع كما الليـل =يـبـغـون دار هـابـهـا كـــل عـايــل
وجرى لمنا يومٍ يـا طـب بـه الشيـل =يطيـح مـا تشنـى عليهـا الرحـايـل
واضفـا علـى عكـاش مـثـل الهـمـاليل =يـا طـول مـا حنـا لهـم بـالاوايـل
ويـن الطنايـا ؟ ويـن شرابـة الهيـل =وين الرجال اللـي تشيـل الثقايـل؟
وين السيوف اللي نعـدل بهـا الميـل =وين الرماح اللي ترد كـل عايـل ؟
ويـن النشامـا والعصـاة المفالـيـل ؟ =وجميع من ضربـه تضيـع الدلايـل
نشرب بهـم صافـي القـراح الشهـاليل =وننزل بهم غصب على كل طايل
ذكرتهـم يـوم ارتـدم فوقـي الشـيـل =ونخيتهـم يـوم اقبـل الضـد صايـل
غلبـا تــرى بلدانـكـم لبـسـت النـيـل =تنخى الرجـال المكرميـن الاصايـل
تنخـى هـل العـادة كــرام الاسابـيـل =يوم التعـازي والدخـن لـه صلايـل
قلته وانا معكـم علـى العـدل والميـل =لـعـل مـــا نـعـتـاظ عـنـكـم بـدايــل
تمـت وصلـوا عــد وبــل المخايـيـل =علـى نـبـي الـحـق مــا زال زايــل

 







توقيع :

[align=center][/align]
  رد مع اقتباس
قديم 07-31-2006, 02:42 AM   رقم المشاركة : 2
مشرف
 
الصورة الرمزية حد الرهيف






حد الرهيف غير متصل

حد الرهيف is on a distinguished road


 

قصيده جزله للعونى ولاهنت اخى وعزيزى ولد بداح ,,,
.

 







توقيع :

  رد مع اقتباس
قديم 07-31-2006, 10:41 PM   رقم المشاركة : 3
مشرف
 
الصورة الرمزية العـــروان






العـــروان غير متصل

العـــروان is on a distinguished road


 

لاهنـــت على القصــه ةالقصيــــــده وصــح لســانك ولســـان الشــاعر العـــونــي

 







توقيع :

  رد مع اقتباس
قديم 08-05-2006, 07:53 AM   رقم المشاركة : 4
فريق الاشراف
 
الصورة الرمزية محمد القباني






محمد القباني غير متصل

محمد القباني is on a distinguished road


 

أخوي ولد بداح
بيّض الله وجهك على المشاركة
الرائعة والجميلة للشاعر المرحوم محمد العوني
فهو صاحب القصيدة المشهورة والمعروفة بالتوبة
والذي يقول منها

يافارج الشدة بضيق المجالي=افرج لعبدك يامنجي دخيله
وانظر بعينك يابا الأفراج حالي=فرد غريب والمساعي قليله
وحيد مالي غير ظلك ظلالي=ذليل مالي غير عزك وسيله
والقصيدة أطول من ذلك ,,,,,,,,
مشكور أخوي ولد بداح ودمت برعاية رب العزة والجلال

 







  رد مع اقتباس
قديم 08-07-2006, 11:44 AM   رقم المشاركة : 5
عضو متميز





ولد بداح غير متصل

ولد بداح is on a distinguished road


 

حـــــــــــــــــــدالرهيف لاهنت على المرور والمتابعة

 







توقيع :

[align=center][/align]
  رد مع اقتباس
قديم 08-07-2006, 11:48 AM   رقم المشاركة : 6
عضو متميز





ولد بداح غير متصل

ولد بداح is on a distinguished road


 

جزاك الله خيـــــــــــــر يالعروان على مرورك

 







توقيع :

[align=center][/align]
  رد مع اقتباس
قديم 08-07-2006, 11:50 AM   رقم المشاركة : 7
عضو متميز





ولد بداح غير متصل

ولد بداح is on a distinguished road


 

لاهنت يابوخالد وكما لايخفاك فالعوني والعزي يعتبرون من فحول الشعر في زمانهم وخاصة القصائد المهيجه وهو نفس المنهج الذي اتبعه خلف بن هذال حاليا

 







توقيع :

[align=center][/align]
  رد مع اقتباس

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
Powered by Style ALRooo7.NET

Copyright © 2010 alrooo7.net. All rights reserved