مرثية في الشيخ سلطان بن ذيب القباني

”

المشاركة الأصلية كتبت بواسطة محمد القباني يا موت لا تبقي حد ٍ عقب سلطان=عيد الركاب اللي يرقع حفاها يا ما ذبح من قرّح الكوم والضأن=وشاة المربي لا تحكّم شراها ما ذكر لي يوم الدهر خاطره شان=كم خبرة ٍ في ليل جوع ٍ هجاها قصره لأهل عوص المراميل معطان=راعي دلال ٍ للمراجل حزاها يبكيه من فرّع على الريع لا بان=قد هو جويع ٍ والمزاهب طواها وتبكيه ضيفان ٍ وتبكيه جيران=وتبكي الظهيرة يوم جاها غلاها مرثية قالها الشاعر ناهض بن دغش في الكريم المشهور سلطان بن ذيب القباني والمعروف بـ ( منادي بالعشا ) الذي شهرته عمّت أرجاء الجزيرة العربية من كرمه المشهود توفي رحمه الله وهو في طريقه لأداء فريضة الحج عام ( 1345 ) هـ

الله من روعة الأبيات عز الله ماكذب الشاعر في سلطان بن ذيب
شهرته في الوديان وعند غالبية العربان لاتوصف وفيه قصيدة ما أحفظ منها إلا شطر للبيت
اللي يقول فيها يادار لو يأتيك سلطان بن ذيب
هذا عند الشيبان مايحتاج مثل يردد
ليت والله يامحمد إذا تعرفها تنشرها أو أحد من الأعضاء مشكورين