الهوامير
<
لا والله إلا علقـونـا الهوامـيـر=يامحللين السـوق طـاح القناعـي رحنا ماراح مقيط في جمـة البيـر=ولاعاد تنفعنـا جميـع المساعـي ماهـو كـلام محلليـن وسماسيـر=عيني تشوف وعين غيري تراعـي السـوق ماتحكـم عليـه التقاريـر=بيدين راعيـن التـرف والمتاعـي على الوصايـا ياخـذون الدنانيـر=شباع منا ومـن الاسهـم شباعـي حتى الوصايا كل ابوهـا خوابيـر=تشري بنادك والعرب في المراعي حتى البنوك امست سواة المناشيـر=فالمشترى ساعي وفالبيـع ساعـي وحنا مع الهامور ونغيـر ونذيـر=نوب انخفاض ونوب نوب ارتفاعي يرقى بنا سهميـن لا طـوّل السيـر=وينزل بنا عشرين من دون داعـي واليا دخلنا في الصناعـة طوابيـر=السـوق رشـه واتجـه للزراعـي وإليا حدث زلزال في وسط كشمير=والا اهتوش في نجد راعي وراعي ولا منيـره طلقوهـا مـن منيـر=ولا دعس حمـدان ناقـة شجاعـي بكرة تشوف السوق نازل على خير=اللي شرى يقعد ومن بـاع باعـي وانا على الشاشة عيونـي مطاييـر=لا ذي ولا الاخرى وثانيً كراعـي واول ما اخذت القسط فرحان ومغير=مع السلف حطيتها فـي الجماعـي وعلى جهازي والمكاسـب فواتيـر=والمكسب الاخـر تكسّـر خناعـي ولا شلّع الهامور والنـاس تتطيـر=مع الـذي روّح ودفعـه رباعـي وقتي مابين إلغـا ومابيـن تغييـر=والناس تجن ارباحهـا فالرفاعـي واليوم تلعب بي همـوم وتفاكيـر=ومن عقبهم ماعاد انـا بأجتماعـي ويالله انـا طالبـك رزقً بتيسيـر=مالي ومال اهل السهر والصداعـي وترى الحقيقة يالوجيـه المسافيـر=اقولهـا والـيـوم زاد اقتنـاعـي سوقً بلاهامور من دون تقصيـر=ماهـو بسـوقً لوبلدنـا صناعـي لكننـا نبغـى علامـة وتحـذيـر=لاسجلوا عنـد الخـروج الوداعـي مشعل الحريص |
< والله الي ماكذب
لاهنت يابوخالد على القصيدة الجزله وصح لسانك ولسان الشاعر مشعل الحريص |
< أخوي ولد بداح هلا بالغالي مرورك شرف تقبل تحياتي وتقديري |
< اختيار موفق يا ابو خالد
وارى ان هذه القصيدة من افضل القصائد التي قيلت في سوق الاسهم :) :) :):) وإليا حدث زلزال في وسط كشمير والا اهتوش في نجد راعي وراعي ولا منيـره طلقوهـا مـن منـيـر ولا دعس حمـدان ناقـة شجاعـي بكرة تشوف السوق نازل على خير اللي شرى يقعد ومن بـاع باعـي :) :) :):) |
< أخوي فهد مشكور على المرور الله لا يهينك وكما تعلم فالأسهم حدث غير عادي الكل تفاعل معها الصغير والكبير هناك منهم الرابح وهناك الخاسر كذلك الشعراء لابد وأن يكون لهم دور وأكيد اللي راحوا فيها أثرت فيهم لذا فالشاعر بشر حساس شأنه شأن الآخرين يشعر بما حوله وقد أكد لنا ذلك شاعرنا مشعل الحريص لك تحياتي ودمت برعاية رب العزة والجلال |
< صح لسانك ولسان الشاعر
وعز الله انه قال الحقيقه التي لم يبقى بيت من بيوت الشعب السعودي إلى وعانا من ســـوق ألأسهـــم |
< العروان مشكور على المرور |
< الله يستر على دراهم وفلوس جميع من نحب , والله جيد هاالشاعر ,, تحياتى بوخالد
|
< مشكور الغالي حد الرهيف على المرور تقبل تحياتي |
| الساعة الآن 04:48 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by