هلا باللي إلى شفته توسع خاطري وأرتاح
<
هلا باللي إلى شفته توسع خاطري وأرتاح=وأنا من قبل أشوفه ضايق ٍ صدري وبه تكه هلا به عد ماغنى الحمام الراعبـي ونـاح=هلا به عد مالبا الحجيـج ومانصـا مكـه غزال ٍ باعني حبه بلا حرب ٍ وشيـل سـلاح=وأنا بعته مواثيق العهد وأمضيت له صكه لاجل وجه ٍ بشوش ٍ يطرد الاحزان بالافـراح=إلى منه تبسـم لـي بغـر ٍ بينهن فكه أهلي به وأرحب به وسر الحـب ماينباح=أخزنه بالضمير اللي عليه الخوف وأصكه جزاء منهو يجبي لي ثمان ٍ بينهن أذحـاح=ثلاث وخمس عشرتنا تتالا مابهن شكه أجي له بين مخضر البواسق والقمر ماضاح=عتيم الليل ساترنا وعين الـواش منصكه الشاعر / حمد العلي الهقاص |
< صح لسان الشاعر
وصح قلمك يامحمد على النقله تقبل مروري وفقك الله |
< لاهنت يابوخالد على البيوت الجزلة صح لسان الشاعر والناقل وبيض الله وجهك |
< صح لسانه ولسانك يابوخالد , قصيده جزله , لاهنت
|
< صح بدنك النايف تشرفت بمرورك الكريم لك تحياتي |
< ولاتهون ولد بداح شاكر مرورك بارك الله فيك |
< بيض الله وجهك
يالقباني موضوع وابيات جزله تحياتي |
< صح بدنك حد الرهيف يعطيك العافية على تواصلك الجميل |
< |
| الساعة الآن 12:52 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by