ذيب المحيجر صوتوا له لا يغيب=فهد فكوك الريق وطهيف ٍعشاه
اللي عمدنا بالخطاء ماله مصيب=ماندمح الزلـه ولا نقبل خطاه
نرّث على كبده جروح ٍ ما تطيب=وقول ٍ بلا فعل ٍ ترى ماله طراه
يا غرس ياللي في جبابين الشعيب=هدب الجريد من الطماميع إنحماه
لا من بدا له لازم ٍ حنا قريب=بالدرج والبارود من جاه إنحداه
ربعي موطية الصعب سقم الحريب=لا من وصل العلم لآخر منتهاه
كسابة الناموس في اليوم الصعيب=رجّالهم شمخ العلا غاية مناه
يردون حوض الموت لا جنب وهيب=وردت قطيع ٍ معطش ٍ طوّل ظماه
لا أشتد نار الحرب وأزداد اللهيب=بالمرهفات الصارمة ننطح شباه
رحمه الله الشاعر مشل
وكفو
قول وفعل .... هو وإخوانه
ففي هذه المعركة ( معركة المحيجر )
كانت يوم من أيام الشاعر وإخوانه
فقد كان لهم فعل خالد فيها
فرحمهم الله رحمه واسعه