سعد القباني شاعر من الشعراء الشباب أرسل لي هذه القصيدة المهداة للأخ العزيز وإبن العم
علي بن عبدالله بن سرحان القباني
ولأن مثل هذا الإهداء نفتخر به ونتشرف بنشره بدوري أطرحها لأنظاركم
هات القلم مادام فيها إبن قبان=وش أنتظر وش تنتظر ياخيالي
بكتب قصيدة مدح لولو ومرجان=الصيت يبقى والعمر للزوالي
من فكري أقدحها ولانيب بحلان=لي صار منصاها من الناس غالي
منظومة ٍ مخصوصة ٍ لإبن سرحان=هذي الحقيقة والحقيقة تقالي
علي علي للطيب معنى وعنوان=أبوه عبدالله كريم السبالي
لاحلت الصعبات وأصبح لها شان=وقف لها السرحان قرم العيالي
رجل المواقف إبن عمي كحيلان=من لابة ٍ لاجاء الخطر ماتبالي
سواقين لاقالوا سواقين شجعان=أهل المكارم طيبين الخصالي
أهل الوفاء والطيب ذربين الأيمان=أحرار ماكرها الجبال العوالي
وعلي سلالتهم على مر الأزمان=يبقى له التمجيد أول وتالي