قصيدة رشيد بن مساعد في فايز بن رشود

قصيدة للشاعر/رشيد بن مساعد القباني
موجهه للاستاذ/فايز بن تركي بن رشود القباني محافظ الحريق

بديت باسم مدبر الكون كله=رب الملى محيي العضام الرميمه
ومن بعده احضرت القلم والسجله=واكتب بيوت من الشوايب سليمه
قاف جزيل سامعه مايمله=تفهم معانيه الرجال الحكيمه
مايتعب اللي في لزومي يشله=ملفاه ابوتركي حريب الجريمه
لاجيت فايز يانديبي فقله=لعل تفداه العفون اللئيمه
لامن لفيته قاصده في محله=عنك يزول الهموم الوخيمه
بشورك حجاج طليق يفله=وصفر الدلال اللي تقلط مديمه
كسب المراجل من صفاته اجبله=طيبه وراثه من جدود قديمه
هداج تيماء والثنا مستغله=كرم وحلم وحسن خلق وشيمه
رجل وفي والوفاء عادة له=من ماح دلوه ذب ذيك الخريمه
من صار مياحه وهو صافي له=تشرب وروده ماتصدر محيمه
مصقول هند يعجب اللي يسله=تحوشبه وقت اللزوم الغنيمه
حر جزوع مايروم المذله=صيده جزال مايصيد الهليمه
المرجله يلقف لها ماتزله=جمل ثقيلات العدل ماتضيمه
عد رسين له ورود تدله=طرقه توردك الرواء مستقيمه
على مشاريف القذال المطله=تنشر له البيضاء قوي العزيمه
بيضاء كما شمس الضحى المستقله=لامن تجلت واشرقت عقب غيمه
هبت هبوبه والسعد ضاحك له=ولاهوب يرضا للرفيق ابهضيمه
المدح لو ان من بغاه ايحصله=كان الثعل له صار هيبه وقيمه
المدح للي تاعب وشاقيله=هشهوش بهلول يمينه كريمه
تم الكلام وفيه ماقلت زله=وادخل على الله من كلام الضليمه

مع أجمل تحية

عديل الروح

 

بيض الله وجه ابومساعد على الأبيات المعبرة والجزلة
ويستاهل فايز بن رشود القباني ماقيل فيه وكفو
مشكور ياعديل الروح على النقل الموفق
تسلم يمناك يالغالي

 

ياهلا ومرحبا بك ولد بداح

العفو

 

صح لسان الوالد العزيز والعم رشيد بن مساعد , قصيده جزله كاالعاده , ويستاهل بن رشود ,, لاهنت ياعديل الروح وبيض الله وجهك ووجه العم رشيد ,,, . تحياتى .

 

ووجهك أبيض يا ابواحمد

 

صح لسانك ولسان ابو مساعد

ويستاهل فايز بن رشود المدح

 

”

المشاركة الأصلية كتبت بواسطة عديل الروح قصيدة للشاعر/رشيد بن مساعد القباني موجهه للاستاذ/فايز بن تركي بن رشود القباني محافظ الحريق بديت باسم مدبر الكون كله=رب الملى محيي العضام الرميمه ومن بعده احضرت القلم والسجله=واكتب بيوت من الشوايب سليمه قاف جزيل سامعه مايمله=تفهم معانيه الرجال الحكيمه مايتعب اللي في لزومي يشله=ملفاه ابوتركي حريب الجريمه لاجيت فايز يانديبي فقله=لعل تفداه العفون اللئيمه لامن لفيته قاصده في محله=عنك يزول الهموم الوخيمه بشورك حجاج طليق يفله=وصفر الدلال اللي تقلط مديمه كسب المراجل من صفاته اجبله=طيبه وراثه من جدود قديمه هداج تيماء والثنا مستغله=كرم وحلم وحسن خلق وشيمه رجل وفي والوفاء عادة له=من ماح دلوه ذب ذيك الخريمه من صار مياحه وهو صافي له=تشرب وروده ماتصدر محيمه مصقول هند يعجب اللي يسله=تحوشبه وقت اللزوم الغنيمه حر جزوع مايروم المذله=صيده جزال مايصيد الهليمه المرجله يلقف لها ماتزله=جمل ثقيلات العدل ماتضيمه عد رسين له ورود تدله=طرقه توردك الرواء مستقيمه على مشاريف القذال المطله=تنشر له البيضاء قوي العزيمه بيضاء كما شمس الضحى المستقله=لامن تجلت واشرقت عقب غيمه هبت هبوبه والسعد ضاحك له=ولاهوب يرضا للرفيق ابهضيمه المدح لو ان من بغاه ايحصله=كان الثعل له صار هيبه وقيمه المدح للي تاعب وشاقيله=هشهوش بهلول يمينه كريمه تم الكلام وفيه ماقلت زله=وادخل على الله من كلام الضليمه مع أجمل تحية عديل الروح

صح لسان الراوية والشاعر رشيد بن مساعد
ويستاهل أبو تركي فهو فوق المديح وعلومه غانمه
أطال الله في عمر المادح والممدوح
تحياتي لك عديل الروح

 

صحت أبدانكم العروان وابوخالد وألف شكر

 

صح لسان الشاعر ويستاهل ابو تركي وانا اشهد انه حر قرناس :وانا مقيم يمني اسمحو لي اقول فيه هذي الابيات
يستاهل المدح ابو تركي شيخ مواقفه تشهدن له
شيخ المراجل يوم المراجل في الوقـــت قلـــــه
شيخ يستحق برنامج المليون وشعاره كلهم ينشدن له
ويستاهل اكثر لو بيدي اقول للموت شلني ولاتشله.

 

صح لسان الشاعر رشيد بن مساعد ولاهان الشيخ فايز بن تركي يستأهل

 

لا هنت اخوي عديل الروح ويستاهل ابو تركي وجعل يمنا ابو مساعد مايجيها العوق

 

بيض الله وجهك يابومساعد وصح لسانك يستاهل ابن تركي راع العلوم الغانمة

 

صح لسانك يابومساعد ويستاهل فايز بن تركي المدح