الشاعر محمد بن مطلق بن حشر الفطيماني

من أصدق القصائد وأجملها وأقربها إلى النفس تلك القصائد التي تعانق الوجدان وتدخل لباب العقل لما فيها من صفاوة نفس وبراءة كلمة
ومن أمثلة هذه القصائد تلك القصيدة الرثائية في المرحوم بإذن الله
مسفر بن كريبان بن حماد القباني

رف الجفن عن لذة النوم رفا=ودعا لها الداعي بقلة هجوعه
وأومى لها المومي على رأس طفا=في رأس مرقاب ٍ طوال ٍ جزوعه
مرقاب من شف المقادير شفا=اللي قصر عن رغبة النفس بوعه
اللي تلفه شهب الأيام لفا=تدرج رحالها لين طفت شموعه
ومن عقب ذا بأخذ من القاف شفا=أبا تخيّر من زواهي رموعه
قاف ٍ يحفه واهس الرأس حفا=يقطف زماليقه ويجدع دنوعه
ينف حذفات المقاطيف نفا=وإليا صفى الصافي خذا منه نوعه
دنيا تخف العقل ياسعود خفا=في نابها سم الصقطر تزوعه
فيها الحلا والمر كله مخفا=وكل ٍ على ماقيل يأخذ جروعه
أحد ٍ بها شرقان وأحد ٍ معفا=وأحد ٍ عليه الوقت يرقل جموعه
وأحد ٍ شرابه من قراح ٍ مصفا=وأحد ٍ كظم غيضه ومره يزوعه
فوقه سبور الموت وقيف صفا=يشرب ولكن ماتهناء متوعه
ومن عقب ذا بكتب جواب ٍ على أفا=غريب في شكله وطرقه ونوعه
في اللي بكف فعول الأمجاد كفا=ذبة سنام الطايلة من طبوعه
مسفر شهير الفعل ماينتخفا=مثل القمر ماينتخفا طلوعه
ستر البني المترفات الأعفا=لا من مرعوب الحشا طال شوعه
وذباح في الشدات حيل ٍ تجفا=لا من ولد اللاش قنن متوعه
لاعاد يوم ٍ فيه قالوا توفى=لعل مايسقى علينا طلوعه
يوم ٍ به صعاط المجانين قفا=قفاية ٍ ماعاد نرجي رجوعه
اللي خصيمة بالهزيمة يلفا=أكّود عليه النصر من حب كوعه
لاكبرت القاله طلع ماتخفا=ياصل ويدرك كايد الفعل بوعه
لاقام في أمر ٍ نجح ماتهفا=يخضع له الكايد ويعلن خضوعه
دايم رفيقه في الشدايد مكفا=ينطح محاميل البلاء عن ربوعه
في ماقف الشدات وفا وكفا=كأس النشامى شاربه من فروعه
حر عنه جول الحباري تخفا=الخرب لا منه تنهض يروعه
اليا شهر من ماكره ثم ضفا=عن الطمن روس العوالي وقوعه
وسيف ٍ ليا من سل ماص ٍ مصفا=يذخر لصعبات المواقف طلوعه
اليا ضرب له ضربة ٍ ماتشفا=فيها يضيع بأشكال نوعه
عسلى براد الخلد فوقه يهفا=في جنة الفردوس يكمل ركوعه
ويعوضه بأهله بحور ٍ تزفا=في الجنة العليا يواصل خشوعه
وختامها يامن له الكون كفا=يامن له أملاك الولاء والمطوعه
ياعالم المكشوف واللي مخفا=تجعل لنا نفس ٍ بمدك قنوعه

 

الله يرحــــــــــــــــــــــــــــــــــم القباني


وصح الله لســـــــــــــــــــــــــان الفطيماني . مــــــليآر

لاهنت يبوخالد

 

”	المشاركة الأصلية كتبت بواسطة سعد بن عبدالله الله يرحــــــــــــــــــــــــــــــــــم القباني وصح الله لســـــــــــــــــــــــــان الفطيماني . مــــــليآر لاهنت يبوخالد

رحم الله أمواتنا وأموات المسلمين
ولاتهون ياسعد على المرور

دمت برعاية رب العزة والجلال

 

صح لسانك وعلا شانك ورحم الله المتوفى لاهنت محمد القباني

 

صح لسان الشاعر الفطيماني ورحم الله مسفر بن كريبان ومشكور يااخي محمد على ماتقوم به من التوثيق وحفظ

 

”	المشاركة الأصلية كتبت بواسطة التنديل صح لسان الشاعر الفطيماني ورحم الله مسفر بن كريبان ومشكور يااخي محمد على ماتقوم به من التوثيق وحفظ

صح بدنك وياهلا بك يالتنديل وتشرفت بمرورك الكريم ولاشكر على واجب
دمت برعاية رب العزة والجلال

 

”	المشاركة الأصلية كتبت بواسطة عمار صح لسانك وعلا شانك ورحم الله المتوفى لاهنت محمد القباني

صح بدنك عمار وشكراً لك

 

الله يرحم مسفر بن كريبان وصح لسانك يالشاعر

 

اللهم يرحمه ويسكنه فسيح جناته ,, صح لسان الشاعر محمد بن مطلق

رحم الله الأموات واسكنهم فسيح جناته

ماقصرت يابوخالد

 

”	المشاركة الأصلية كتبت بواسطة القباني اللهم يرحمه ويسكنه فسيح جناته ,, صح لسان الشاعر محمد بن مطلق رحم الله الأموات واسكنهم فسيح جناته ماقصرت يابوخالد

اللهم آمين
أشكرك أخوي القباني وماعليك زود

 

صح لسان الشاعر الفطيماني ورحم الله مسفر بن كريبان ومشكور يااخي يابوخالد على ماتقوم به من التوثيق وحفظ لتراث القبابنة فلك من مغليك كل ود وتقديرواحترام عسى الله مايحرمنا من تواجدك

 

”	المشاركة الأصلية كتبت بواسطة ولد بداح صح لسان الشاعر الفطيماني ورحم الله مسفر بن كريبان ومشكور يااخي يابوخالد على ماتقوم به من التوثيق وحفظ لتراث القبابنة فلك من مغليك كل ود وتقديرواحترام عسى الله مايحرمنا من تواجدك

صح بدنك أخوي ولد بداح والله يرحم مسفر بن كريبان ويسكنه فسيح جناته
ولاشكر على واجب وماعليك زود الله يحرمنا من الجميع
دمت برعاية رب العزة والجلال

 

ابوخالد اقف احترام لعملك الكبير في المنتدى
ورحمهما الله واسكنهم فسيح جناته .

 

”	المشاركة الأصلية كتبت بواسطة فــيـــصـل ابوخالد اقف احترام لعملك الكبير في المنتدى ورحمهما الله واسكنهم فسيح جناته .

مشكور أخوي فيصل وهذا واجبنا وأنا أخوك واللي مافيه خير لشيبانه وربعه مافيه خير لنفسه
الله يرحم والدك ويسكنه جنان الخلد ويرحم أمواتنا وأموات المسلمين أجمعين
تحياتي لك وتقديري
دمت برعاية رب العزة والجلال

 

صح لسانك وعلا شانك قصيدة في محلها