القهوة العربية عند بعض الشعراء

بسم الله الرحمن الرحيم

اخواني الكرام حد الرهيف وولد بداح السلام عليكم ورحمة الله وبركاته وبعد شكرا لكم على مروركم الكريم على القهوة العربية عند بعض الشعراء واليكم قصيدة شاعر الحكمة والزهد والورع الشاعر الكبير غازي بن دخيل الله بن عون الرويس العتيبي في وصف القهوة وطريقة صنعها وعدد دلالها وتقديمها للرجال موصيا بذلك ابنه

ياريـف قلبـي للمساييـر قـم شـب
= و حط المناره في طويـل الظلالـي

عقب تشق لها لجزل الحطـب جـب
= و هات النجر و أحضر اجـداد الدلالـي

ثلاث (ن) الهن راعي الكيـف يطـرب
= وسوطهن ضمـر و الآخـر جلالـي

و بطونهن ماخذن اسبوع (ن) عن الرب
= و جنوبهـن صفر (ن) تـلالا تـلالـي

و الرابعـه ملقامـةٍ لونهـا أصهـب
= حيـث إنهـا للنـار دايـم تصـالـي

و لاجبت كل شروطها اللـي تطلـب
= إجلـس عليهـن يا زعيـم العيـالـي

و إحمـس لنـا بريةٍ حبهـا أشـهـب
= و بهارهـا هنـدي و ماهـا زلالــي

و إعـرف تـرى قانونهـا ما يخـرب
= و ندارهـا ينقـى و مـاهـا يكـالـي

تـراه ما يصلـح لهـا كـل مذهـب
= و لاتقبل الراضه و لا الاعـتجالـي

و ليا حمست إحرص على حمسة الحب
= و اعرف ترى الحمسه تبي وسع بالـي

تاخذ على ادنى الجمـر فتـره تقلـب
= لين العرق يطلـع سـوات اللوالـي

و من يـوم يطلـع فالمبرد لهـا كـب
= لين النـدار ان كـان فيهـا يشالـي

و ليـا خـذت مقـدار للنجـر قـرب
= و دنه بصـوتٍ يسمعـه كـل غالـي

دنـه و خـلـه للمسايـيـر يـجـذب
= لا قـام صوتـه للنشـامـى يـلالـي

يوحونـه الجيـران لا قــام يقـنـب
= و يجيك الاقصى و القصيـر الموالـي

و عقـب تـدق البـن لقـم و ركــب
= ليـن انهـا تسمـح مـن الاجتوالـي

و قبـل تبهرهـا عـن النـار تجـذب
= و تركد شويه ليـن يصفـى الحثالـي

و برويد في حـدى المباهيـر تسكـب
= من عقب غـال الهيـل فيهـا يهالـي

و اعــرف ليا بهرتـهـا يالمشـبـب
= تـراه يكفيهـا مـن النـار صـالـي

ثم اجذهـا مـن يـوم بالهيـل تقلـب
= و من يـوم تركـد صبهـا للرجالـي

حتى يجي الفنجـال منهـا ليا صـب
= بين الشقـار و بيـن لـون الشعالـي

يا أمّا أشقرٍ رايب مثل بـول الارنـب
= و الا اشعـل يشبـه لـدم الغـزالـي

يطرب لها من كـان للكيـف يشـرب
= كيف النشامى اللي من العيب خالـي

و اعـرف تراهـا عـادةٍ ماتسـيـب
= و لا ينتقدهـا إلا قصـيـر الحبـالـي

احرص تخلـي عـادة الجـد و الاب
= ما هم عليـه اول عليـه انـت تالـي

تراك مـن كـل المناسـب معـرب
= ما بيـن جـدان و عمـام و خـوالـي

و ابيـك عـن منهاجهـم ما تجـنـب
= انكـان فكـنـك بـنـات الليـالـي

و انتم سالمين وغانمين و السلام

 

سلمت خيال الغلباء مشاركة جميلة جدا ومشكور الله يبارك فيك

 

”	المشاركة الأصلية كتبت بواسطة هذال سلمت خيال الغلباء مشاركة جميلة جدا ومشكور الله يبارك فيك

بسم الله الرحمن الرحيم

اخي الكريم هذال السلام عليكم ورحمة الله وبركاته وبعد كل عام وانتم بخير والشهر الكريم عليكم مبارك جعلكم الله من صوامه وقوامه وعتقائه من النار والاجمل من المشاركة مرورك الكريم عليها الله يبارك في الجميع ولا شكر على واجب واسلم وسلم والسلام

 

”

المشاركة الأصلية كتبت بواسطة خيال الغلباء بسم الله الرحمن الرحيم اخواني الكرام حد الرهيف وولد بداح السلام عليكم ورحمة الله وبركاته وبعد شكرا لكم على مروركم الكريم على القهوة العربية عند بعض الشعراء واليكم قصيدة شاعر الحكمة والزهد والورع الشاعر الكبير غازي بن دخيل الله بن عون الرويس العتيبي في وصف القهوة وطريقة صنعها وعدد دلالها وتقديمها للرجال موصيا بذلك ابنه ياريـف قلبـي للمساييـر قـم شـب = و حط المناره في طويـل الظلالـي عقب تشق لها لجزل الحطـب جـب = و هات النجر و أحضر اجـداد الدلالـي ثلاث (ن) الهن راعي الكيـف يطـرب = وسوطهن ضمـر و الآخـر جلالـي و بطونهن ماخذن اسبوع (ن) عن الرب = و جنوبهـن صفر (ن) تـلالا تـلالـي و الرابعـه ملقامـةٍ لونهـا أصهـب = حيـث إنهـا للنـار دايـم تصـالـي و لاجبت كل شروطها اللـي تطلـب = إجلـس عليهـن يا زعيـم العيـالـي و إحمـس لنـا بريةٍ حبهـا أشـهـب = و بهارهـا هنـدي و ماهـا زلالــي و إعـرف تـرى قانونهـا ما يخـرب = و ندارهـا ينقـى و مـاهـا يكـالـي تـراه ما يصلـح لهـا كـل مذهـب = و لاتقبل الراضه و لا الاعـتجالـي و ليا حمست إحرص على حمسة الحب = و اعرف ترى الحمسه تبي وسع بالـي تاخذ على ادنى الجمـر فتـره تقلـب = لين العرق يطلـع سـوات اللوالـي و من يـوم يطلـع فالمبرد لهـا كـب = لين النـدار ان كـان فيهـا يشالـي و ليـا خـذت مقـدار للنجـر قـرب = و دنه بصـوتٍ يسمعـه كـل غالـي دنـه و خـلـه للمسايـيـر يـجـذب = لا قـام صوتـه للنشـامـى يـلالـي يوحونـه الجيـران لا قــام يقـنـب = و يجيك الاقصى و القصيـر الموالـي و عقـب تـدق البـن لقـم و ركــب = ليـن انهـا تسمـح مـن الاجتوالـي و قبـل تبهرهـا عـن النـار تجـذب = و تركد شويه ليـن يصفـى الحثالـي و برويد في حـدى المباهيـر تسكـب = من عقب غـال الهيـل فيهـا يهالـي و اعــرف ليا بهرتـهـا يالمشـبـب = تـراه يكفيهـا مـن النـار صـالـي ثم اجذهـا مـن يـوم بالهيـل تقلـب = و من يـوم تركـد صبهـا للرجالـي حتى يجي الفنجـال منهـا ليا صـب = بين الشقـار و بيـن لـون الشعالـي يا أمّا أشقرٍ رايب مثل بـول الارنـب = و الا اشعـل يشبـه لـدم الغـزالـي يطرب لها من كـان للكيـف يشـرب = كيف النشامى اللي من العيب خالـي و اعـرف تراهـا عـادةٍ ماتسـيـب = و لا ينتقدهـا إلا قصـيـر الحبـالـي احرص تخلـي عـادة الجـد و الاب = ما هم عليـه اول عليـه انـت تالـي تراك مـن كـل المناسـب معـرب = ما بيـن جـدان و عمـام و خـوالـي و ابيـك عـن منهاجهـم ما تجـنـب = انكـان فكـنـك بـنـات الليـالـي و انتم سالمين وغانمين و السلام

ياسلام على القصيده والله ,, وصف كامل وموثق لها , سلمت يمناك وصح لسانك ,, لاهنت خيال الغلبا ,, تحياتى .